Լոռէ բերդ – Ապարանի ջրամբար

Երթուղի 1

Կրկին ուզում ենք հիշեցնել, որ մենք անցնելու ենք ողջ երթուղին Լոռվա մարզից մինչև Սյունիք։ Բայց, քանի որ շատերը աշխատանքի կամ այլ հանգամանքների բերումով չեն կարող մասնակցել ողջ նախագծին, մենք այն բաժանել ենք 4 մասի։ Յուրաքանչյուր մասի ավարտին ունենալու ենք հանգստյան օր, որի ընթացքում կվերականգնենք մեր ուժերը ինչպես նաև կունենանք հետաքրքիր ժամանց: Մեր ընդհանուր երթուղու 4 հնարավոր կետերից ցանկացողը կարող է ընտրել իր համար ամենագրավիչ երթուղին և մասնակցել հենց այդ հատվածին։

Լոռվա բերդից – Ապարանի ջրամբար

Սա մեր ընդհանուր երթուղու առաջին մասն է, այսինքն, մեկնարկից մինչև առաջին հանգստյան օրը։

7 անմոռանալի օր, որոնց ընթացքում

1. Վերևից տեսնելու ենք ողջ Շիրակը
2. Լողանալու ենք Հայաստանի ամենաբարձր՝ Թռչկանի ջրվեժի տակ
3. Բարձրանալու ենք ՀՀ ամենաբարձր՝ Արագածի Հյուսիսային գագաթը
4. Լինելու ենք Արագածի Խառնարանում, տեսնելու ենք մեծ և փոքր ջրվեժները
5. Անցնելու ենք լեռնային գյուղերով, գագաթներով և դաշտերով
6. Ունենալու ենք 6 անմոռանալի գիշեր, որոնցից 4-ը վրանային ճամբարում, իսկ 2-ը՝ գյուղական հյուրատանը
7. Համտեսելու ենք յուրահատուկ ճաշատեսակներ, իսկ ճամբարներում սնվելու ենք հենց խարույկի վրա պատրաստված ուտեստներով
8. Ընդհանուր քայլելու ենք 143 կմ, հարաբերական բարձրությամբ բարձրանալու ենք մոտ 6170 մ և իջնելու ենք մոտ 5700 մ