Սմբատաբերդից հիանալի տեսարան է բացվում դեպի մի քանի գյուղեր, որոնցից է Եղեգիսը:
Վայոց Ձորի մարզի Եղեգիս գյուղը հայտնի է իր միջնադարյան տաճարներով, խաչքարերով և գերեզմանատներով:
Այստեղ են գտնվում սուրբ Աստվածածին (14-րդ դար), սուրբ Նշան (13-րդ դար), Զորաց սբ Ստեփանոս (13-րդ դար) վանքերը, որոնց շրջակայքում պահպանվել են ուշագրավ խաչքարեր և աչքի ընկնող քանդակներ: Ինչպես պարզ է դառնում եկեղեցիների առատությունից՝ այս գյուղը միջնադարում եղել է նշանավոր կենտրոն՝ տեղացի իշխանների նստավայրը:
